NAWHCHIZUAR FAPA CHAPTER 14

Sangtei nena kan zin dunna chu ka zin tawhnaah chuan a la nuam ber hial ang. A ni pawh khan nuam chu a ti ve hle bawkin ka hria. Zan thum hlimawm tak tak leh nuam tak tak kan hman zawh chuan Aizawl lam pan chuan kan haw leh ta a. Sangtei chuan, engzat nge kan pu hnenah chuan ka lo dil sak ang che a ti a. A ngai lo. I duh leh nangma ta tur dil la. Kei chu Zantin hlawh ka lak tho kha ka tih chuan mi rawn sik zawk a. Uang suh, tak takin TA hi an pe vek ṭhin a. a tlem emaw, a tam emaw tih a ngai ve ṭhin a. A lehpek zel atan a ṭha a. Kan pu te duh dan pawh a ni zawk ṭhin a tih takah chuan. Nangma'n awm i tih ang ang a nimai ka ti a. In kan thlen chuan, Zanah lo leng la a ti a, zanin chu ka hman rih lo, lenna tur pawimawh deuh ka nei a. Ka tih chuan a rawn hawi phawk ha a. A hawi let let vat a. Um. A ngai lo mai a ti leh deuh hmak a. Sangte, tiin ka koh a, a rawn hawi let nghal vat a. Thil dang a nia. Ka nu damlaia a hnathawhna ṭhin pa khan nimin khan mi rawn phone a. Zanin hi leng tura kan inbiakna a ni sia. Kal ka duh vang a nia. Ka tih chuan. Um. I chauh dawn vei nen, zanin te chu chawl ve rih la ṭha tur a nia. I haw hunah min lo call la a ti a. Aw le, tiin ka in lamah chuan ka haw san ta a. Ka inbual zawh chuan Sana ka en a, rin aiin a la hma Dar 2:30 chuah a la ni. Tih tur a awm lem lo bawk a tiin Sangtei chu ka va call a. A lo pick up rang kher mai. Eng nge ni ta Boss a rawn ti a. A nui ar ar a. Eng ni lo ve. tih tur awm lo em a. Ka lo call mai mai che. I chau em? Ka va ti a. Chau lo ve. Lo leng phei la. A la hma tho hi a ti a. Office lamah ka kal dawn i ti a maw ka tia. I la kal nange ka ti a, Kal lo ve. I rawn len chuan ka kal lo ang. Lo phei la. Thingpui tui tawk ka lo lum ang che a rawn ti lang lang a. Nia. Ka rawn phei dawn nia. Lo lum nghal la, ka ti a... Kan inhlat lem lo bawk a. Sangtei te in chu ka thleng phei vat a. Sangtei'in min lo hmuh chuan a lo nui ver ver a. A lo inbual zo ve tawh tih hriat takin a sam chu towel in a lo la tuam a. Thingpui a lo lum mek chu a so chiah avangin a siam sawk sawk a. Sitting roomah chuan titi pahin kan in dun a. An va reh hlawm ve khawiah nge an awm zawh vek hlawm a, ka tih chuan, Ka nu leh pa chu tukin ka nau te tlawh turin phai lamah an zin a. Zankhat vel riah an tumin ka hria. Ka pi chu, min awmpuitu nula nen Falkland lamah insakna lamah an kal a, Ka thlen hnu lawk khan an kal chuah a. Mahni tawkah hian kan buai ve hlawm ṭhin a. A chang hi chuan chhungkua te hi kan mumal lo riau hian ka hre ṭhin a tih zawm zat a. Buai hi chuan a buaithlak ve bawk em a lawm. Kei chu ka inthurual phian zel kan tih zawm zat a. Nui ar ar chung chuan mi rawn chum taih taih a. A inbual zo hlim bawk a. A rimtui chem chem chuan mi rawn zem chiai chiai reuh lehnghal a. Ngaihtuahna a dik hman dawn meuh lo. Sangtei nen chuan inhnaih te a, ṭhu kan nih bawk a. I van rimtui, i inbual zawh hlim hian i duhawm a nih hi ka'n tih chuan inbual zawh chauhin maw tiin mi rawn melh khawi a, a hmui a seh sawi vel a. Ihh. Kan check lawk ang aw tih leh rualin a hmui nem no nalh takah chuan ka va fawp chat a. A ni pawh chuan min lo chhang let rang kher mai. Kan duhthawh telh telh a. Kan tum leh duh pawh a thuhmun leh vek tawkin ka hre mai. Kut a hlei a, a khawihna lai tur a hai mawlh lo. Duhthawh taka infawh nawk nawk pah chuan kan inchul kual ruai ruai a.. Chutih lai tak chuan ka phone a rawn ri ral ral a. Ka ngaihsak duh lo. Mahse, Sangtei chuan pick up phawt la a tih vang chuan ka han en chu Puipuii a lo ni. Sangtei pawh chuan a rawn hmu ve reng. Ka pick up zui nghal a. Puipuii chuan naktuk ka rawn zin dawn a. Ka hmu chak tawh lutuk che. Mahse, nihnih bak ka awm hman dawn lo va, min lo chang hman ang em a rawn, ka bah nuai mai. Engtianga han chhan tur nge ka hre lo. Nakinah ka lo call leh ang che, ka la buai lawk a tiin phone chu kan dah a. Sangtei chuan kan thingpui inna no vel chu seng felin thil dang min tihsan daih a. A no silna bulah chuan va kalin Sangte, tiin ka koh a, Umm, tiin min chhang a, a rawn hawi lem lo. Eng lo Puipuii, ka bialnu ka tih kha a nia. A hma pawhin ka hrilh thuak tawh che kha ka ti a. Nia, ka hria lawm. Keimah hi ka inten ngawih ngawih, Ka ngaihtuah hian. Mahse, nangma thiam loh engmah a awm lo a nia. Mahse, in inkar tibuaitu ka nih palh erawh ka hlau khawp a. Ka lo ngaina ve ringawt che hi keipawhin ka hrethiam lo a ni a rawn ti hlawl a. Engtianga han ṭawngzui tur nge pawh ka hre lo. Dik tak chuan kei pawh hian Sangtei hi chu ka vei thlawt tih ka hre thei a. A chanchin engkim min hrilh mai bakah a virgin hial ka hawng a ni a. Kan inhriatna la rei lutuk lo mahse, hetiang tak hian ka ngaihtuah ṭhin a ni si a. Kei pawh hian ka duh ve deuh ni ngei turah ka ngai a. Puipuii nen hian inbe deuh reng mah i la, rilru tak takin ka biak ngai pawh ka hre lo. Sex partner atan chuan ka duh em ni. Nge, amah hian min hmangaih vangin kan inkar hi a la ṭha mai mai tih pawh ngaihtuah tham tak chu a ni. Sawi tur ka hre lo. Ngawi hle hle chuan in chu ka chhuahsan a, Sangtei pawhin mi rawn be zui lem lo. Sangtei nge Puipuii tiin ka rilru chu a buai hle a. Kawnga ka kallai pawh chu chiang takin ka hrethei lo hial. Ka ngaihtuah nasat em avangin. Ka in kawtah chuan ka lo ding leh reng tawh, in chhungah chuan ka lut a, Tui ka in khalh khalh a. Puipuii chu ka call let ta a, a lo pick up rang kher mai. I van rawn call har tak. Ka lo nghak chak char che a lawm a rawn ti nghal bawrh bawrh a.Kei chuan muang ban chat hian, Ka tihpalh aw ka ti a. A ho lutuk. A buai a nih ka ring a. Ka ngaih em vang chein ka lo hmanhmawh mai mai a lawm a rawn tih leh a..Puipui, Inṭhen mai ang ka ti ta hlawl a. Aw ki sang vah hian. Eng maw a rawn ti a. Inṭhen ang ka ti a. Eng nge awm zia, ka van hrethiam lo ve a rawn ti leh! Ka mittui chu a parawl kiang a, kan inṭhen a ngai, ka ti ta hlawl a. Puipuii aw pawh chu a zuai raih a, a reh veng veng a. Kawngkhar inkar rirap chu ka hre thei a. Room-ah a lut ni ngei tur a ni. U Zonun, eng nge awmzia. Ka hmangaih takzet che a sin. Nang pawhin min hmangaih a ni lawm ni? tiin a insut hraih hraih a. Ka tihpalh lutuk Puipui. Hriatthiam tum rawh aw. Ka ngaina ve hle che chuan ka hria. Mahse, Ka nunah midang an rawn lang thei tlat a. Ka hmangaih tawk lo che a nimaithei. I rilru tihnat hi ka tum a ni bik reng reng lo. Mahse, ka sawi chu ka rilru dik tak a nih chu. Min haw hle ang tih pawh ka ring. Mipa tenawm tak angah min ngai a nih pawhin ka dem lo che. Hmangaih dang ka nei a ni. Mahse, a ni chu ka la hrilh chuang lo va. Hrilh vat ka tum a, kan inkarthu hi tihfel phawt ka duh a tinni ka ti ta hmak mai. Ka chet dan chu a nunrawn thlak hlein ka hria. Mahse, tlang taka awm ka duh ve khanglang bawk si. Ka luhlulna a rawn chhuak tlat a. Hreh tak chungin ka sawi ta piap piap mai si a. Puipuiibtan pawh a hrilhhaithlak dawn tih chu ka hrethiam ve reng. Mahse, ka insum thei bik lo a ni. Puipuii chuan engmah a sawi tawh lo. Mahse, a ṭap ri hawm hawm chu ka hrethei. Hreawm ka ti ve takzet. Han sawi chhunzawm dan tur pawh ka hre tawh chuang lo. Puipuii ṭap ri chu ngaithlak a hreawm tak zet. Eng emaw chen chutia sawi tur ka hriat tak si lohah chuan phone chu ka off a, rei lo teah chuan a rawn call lehnghal a. Engmah a sawi thei lo. A insut ri chauh chu ka hrethei. Sawi tur ka hre tawh chuang bik lo. Engmah sawi lo chuan kan ngawi dun vang vang. Min hmangaih em em tu chu, ka hmangaih ve lo ni a hriain kalsan ka tum mek a. Ka hmangaih ni a, ka hriat lam pan tur chuan thutlukna ka siam a, ka thutlukna chu tun hun atan chuan a runrawng thlak hle tih ka hria. Mahse, nakin hun tur ka ngaihtuah chuan keimah leh keimah chu ka inthiam chawp ve tho. Dik ber a ni em tih erawh ka hrethiam lo. Puipuii chu theih leh thei lova rawn ṭawng chhuakin, Naktukah ka lo chhuk ang a. zanah ka lo riak ang a. kan sawi ṭha leh dawn nia tiin phone chu a off daih. Call nawn em chu ka duh tawh bik si lo. A hrilhhaithlak ve duh ngawt mai. Pu, Zuala chuan mi rawn phone leh a, Boiha, Zanin kha ka thei leh dawn lo va. Zunthlum ka neih avangin Damdawiin lamah kan lut leh rih a. Nakinah chanchin kan inhrilh leh mai dawn nia, a rawn ti a. A sawi duh a sawi zawh chuan phone chu a off leh mai a. Ka hrethiam teh nuai lo ve. Zanriah eikham chuan Sangtei chu ka va text a : Kei : Sangte, Chaw ei ve tawh em? Sangtei : Immm Kei : Thil hrilh duh che ka nei a. Sangtei : Imm. Nidangah aw. Tunah chuan ka buai rih a. Kei : I online hman tho hi. Sangtei : Nia, Nih phawt aw. Kei : Sangte, Ka rawn leng ang aw. A seen ringawt, min repaly chuang lo. Darkar chanve hnuah chuan, I la buai em? Ka va ti leh a online reng tho min replay chuang lo. Mahse, a seen tho. Eng emaw hna lam thilah a buai a niang tiin ka a khat tawkin a text chu ka chang reng. Call-a biak erawh ka duh chiah bawk si lo. Dar 11 a ri der tawh. Ka check leh, a la online reng tho. Mahse, min replay chuan lo. Zan dar 12 ah pawh a la online, replay a awm chuang lo. Sangte, Muttui aw tiin ka va thawn leh hram. A seen nghal tho. Mahse, min replay leh chuang lo. Fly mode ah ka phone ka dah a, woofer-ah hla ka play a, ka muthilh ka tum. Mahse, ka muhil thei lo. Ka harh tulh tulh. Eng emaw min mawlhtu awm hian ka hre tlat. Chinfel dan ka hria pawh a ni lo. Keimah hi ka dik lo. Min hmangaih ngawih ngawihtu ka hnawl a, min hmangaihtu emaw ka tih chuan biak pawh min be leh duh ta lo, ka fahrah nun kawng hi a inṭan dawn chauh a ni maw ka ti mawlh mawlh a. Mahni infak chang pawh ni i la, a dik lohna a awm chuang pawhi ka hre lo. Chhun tur nu leh pa ka nei ṭha a, ka hmel leh pianah chuan ka vantlang ve viau a ni ang. Hmeichhia min betu neuh neuh pawh an awm ve nual a. Mutpui ka tum tawh chu ka hlawhchham ngai lo. Dik tak chuan keima tum reng vang ni lovin, hmeichhia hian min sawm hmasa zawk a ni mah. Mi sawm na na na chuan thil nuam lo zawk zawk a lo ni lo bawk nen, ka mit it zawng an lo nih ngat phei chuan ka hlah duh bik lo. Mahse, chhungrilah chuan ka hlim lo, min kalh tu leh mal bik riau a, inhriatna ka nei tlat tho. Naupan lai aṭanga dah hran kha ka ni tawh miau mai a. Ngai neih erawh a har khawp mai. Mahse, Chhungril natna erawh ka tuar ve ta hle hian ka hria. Mi tam tak tawrh ve ang tho pawh a ni mahna, mahse, keima tawrh atan chuan thil awlsam erawh a ni hauh lo thung. Zing dar 2:30 a ni der mai. Ka la harh nasa mai si. Ka mu thei lo va. In chhungah chuan ka vei tawn sek a. Ka beer dahthat chu ka phawrh chhuak a. Ka in a, eng he hu ani chuang si lo. Ruih hnap a, au vak vak mai ka chak, mahse, thil ṭha ber a ni si lo. Room lama ka lut leh tur chiah chu kawngka a rawn kik ri dat dat a. Ka phu zawk nghe nghe, Tun ang hunah tunge mawni le. Zurui ho emaw an ni ngei ang. Rukru chu ni se la, an rawn kik lo tawp ang ka ti rilru neuh neuh a. Vawithum a rawn kik dat dat. Choka lamah chuan chemte ka va la a, ka hnung lamah ka dahṭha nghal a. Eng emaw thleng palh a awm chuan phawrh mai thei turin ka ti a. Kawngka lam chu ka pan zel a. A rawn kik leh dat dat. Kawnghar bulah chuan dingin tunge? tiin ka ti a, chhanna a awm lem lo. A rawn kik leh a kalna chu ka hawng ri rak a. Hnung lamah tlem ka tawlh leh a. eng emaw thil a awm thut a chet nuam tawk vel aṭang chuan, lo lut rawh ka ti a, kawngkhar chu a rawn sawi rirak a. A hawng riai riai a, chutah, ka thil hmuh chu ka rin loh lam daih a ni. Sangtei chu mittui parawl kuang chung chuan a rawn lut nawlh mai a. Eng nge i awmzia, a rawn tilut nghal bawrh bawrh mai. Eng nge awmzia ka nei a mi. Eng nge i rawn tihdawn a. Ka lo ti ve hmak. Ka bulah chuan dawn ding hnaiin, phone kha swich off kher a ngai a mi. Eng nge ṭangkaina a nei chuang a mi.? Ka phone a nia, ka thu thu a lawm. Phei rawh. Tun hi hmeichhia chhuah hun pawh a nih tawh loh hi, ka ti leh ngat. Nang hi zu i in a ni maw rawn ti leh. Aw, in e, tiin ka chhang a, mi rawn kuah nawk a. Engmah ka hrethiam tawh lo. I lakah hian ka thikthu a chhe tawh lutuk, theihnghilh che ka tum a, ka thei lo. Ka hmangaih che niin ka hria tiin min kuah nghet tulh tulh a. Vawi tam tak rawn call che ka tum a, phone swich off a inti zel bawk si. Ka mangan lutuk a lawm a rawn tih leh takah chuan, I mangang lo a niang chu ka rawn text che a. Replay pawh min replay duh loh kha, ka tih chuan, ka tihpalh lutuk aw. Ka tinau ve laklawh em a nih kha a rawn ti a, Za lo deuh hian a nui suk a. Ngati nge, zu chu i in hrim hrim a a rawn ti leh a, Nangmah vangin ka bialnu ka ṭhen a. Rawn biak che ka tum a. Min be duh leh si lo a nih kha. Sangte, ka ngaihtuah a, kei chu heti mai hi ka ni a. Chhungkua pawh ka nei lo, kan dinhmun a inthlau em mai. I chhungte pawhin an duhpui lo ang che, chubakah, ka tih lai tak chuan ka hmuiah tak chuan a rawn fawp nawk mai a. A fawp duhthawh telh telh a. Lo chhan let leh mai loh chu tih theih ka nei leh ta lo. duhthawh zet chuan kan infawp mawlh mawlh a. Kawngkhar chu kalhin, Ka khuam lamah chuan ka pawm phei nghal nawlh a.