NAWHCHIZUAR FAPA CHAPTER 1

Tlangval kum 27 mi ka ni a, ka nu nen hian khawpui daifemah mi in luahin kan khawsa a. Kum 7 mi ka nih laiin ka pa in min boral san tawh a. Ka nu chuan a theih ang angin min enkawl a. Ka zirna a ngaipawimawh hle bawk. Hostel ah kum tluanin ka awm ṭhin a. Kan in lamah hian ka haw ngai meuh lo va. Ka nu hian a khat tawk hian mi rawn tlawh fo ṭhin thung a. In lamah ṭhian kawm tur mumal ka neih chuan loh avangin Hostel hi ka in ang maiin ka ngai rum rum ṭhin a. Hreawm tihchang awm ve bawk mah se, ka khawsak tamna hmun a nih miau avangin leh ka nu hian chhuah zen zen a phal loh avangin duhthlan tur dang ka nei chuang lo bawk a. Ka khawvel zim te neih ve chhun chu, chu in zimteah chuan hmang ral ta ṭhin a ni. College pawh hi shillong lamah kalin Hostelah bawk ka awm leh char char a. Ṭhian ka kawm tam lo va. Ka zirnaah chuan theih ang tawk tawkin ka insawrbing ve ṭhin a. Ka nu min duh dan leh min fuihna te chu ka thinlungah a thar reng ṭhin a. Ka neih chhun, ka khawvel leh ka chhungkua ve chu ka nu hi a ni bawk a. A thu hi hnial ka tum ngai lo va. Ka zah a, duhthlan tur dang nei lo leh hre chuang lo na na na chu, ka nu thu ang zel chuan awm ka tum tawp mai ṭhin a ni. Shillong hmuna ka college kal tawp ni ber tur chu huphurh ang reng tak, phur ru tak chung chuan ka kal a, compound ka thlen hma deuh chuan restaurant pakhatah chuan ka chawl zawk a. Ka thut fel hnu lawkah chuan Mizo hmeichhe pahnih hi an rawn lut hlawl mai a. Ṭhianpa, kan rawn zawm ve thei ang che ngem an rawn ti a, kei chuan, Umm, thei lutuk e a. Lo thu rawh u, order ka lo siam hman chiah a sin, ka order sak dawn che u nge? Ka tih mek laiin pakhat zawk chuan i ei ang kha kan lo ei ve ang. Min lo chahkep mai tiin lai deuh tak inthiam loh hmel deuh hian a rawn ti a. A hmel aṭang chuan a zak ve tho tih a hriat a. A hmai sen ṭawn ṭawn chu hmuh hmaih theih a ni bik lo. Kan ei duh zawng kan order rawn thlen hma chuan kan lo ti ti pah mai mai a. Kan hming leh kan awmna hmun te kan inzawt a, Zonunsangi, Sangsang(i) tiin min koh mai ṭhin a. Aizawl Tlangnuamah kan awm a, hei ka ṭhiannu hi Lalrinpuii, Puipuii, a nia, champhai lama awm an ni ve thung a tiin Sangsangi chuan a han sawi siam siam a. Chuan, nang engtin nge kan koh dawn che a ti a, engtiang a min koh nge in duh ang aw tiin sangsangi chu ka en a. Puipuii chu ka va mit sir zeuh pah a. An nui hak hak a. Sawi mai mai teh kan phuah chawp thiam tho a nia, i sawi duh loh chuan an ti a, an nui leh hak hak a. Tak takin ka hming chu Zonunmawia a ni a, induh dan danin min koh mai ru, kei chuan hming puma koh hi ka duh ber a ni ka ti a. An rawn hawi rual ṭhawt a. Kei zawk chu ka lo lai lek lek lehnghal a. Puipuii chuan tinge hming pum kher chu a ti a, a eng ni lo ve. Ka sawi duah chuan inti eng emaw nih ka hlawh leh mai mai dawn sia ka tia. I van sual tak sawi mai mai teh an han ti rual ṭhawt a. In inthural phian bawk sia, tiin kan nui ho leh hak hak a. Thil hriat chhuah thut nei ang hian " E taka ka hrilh ang che u, mah se, eng teh vak a ni chuang lo, induh dan danin min ngai mai dawn a nia, Naktip maiah khian ka haw daih tawh dawn tho va min hre zui tawh em lo ang chu maw ka ti a. I haw dawn maw an rawn tirual leh ṭhawt a. Ummm. Haw dawn e. Kei chu tih tur ka nei tawh lo a lawm, vawiin hi ka kal tawpna ber tur ni a ni tawh a. Hming pum kher a koh ka duhna chhan chu, ka pian hlim khan ka laiah hming turin ka pu,(ka pa pa) in min phuah sak a. Zonun ze mawi tak kha chhawm nung zel turin leh kan mizo nun mawi tak tak te kan hriat thar fo theih nan Zonunmawia ni rawh se min ti a.ka hming kohna tur leh mi min hriat ka nih ve theihna turah pawimawh tak pakhat a nih ve avangin hmingpum ngei a koh hi ka duh a ni ka ti a, an lu an bu nghut nghut a, engmah an sawi zui lem lo va. Ka thil chah chu, a rawn thleng a, kan ei nghal mawlh mawlh a. Kei hi thil ei ka chak loh em avangin ka bula thute pahnih chuan min ei zawh khalh a. Kan titi pah zel a. Tum ṭum chu kan vawikhat inhmuhna a ni bawk a. In felin, kawm innuam bawk a, kei man ka lo treat ang che u. A lehpek a awm ngai a nih chuan min treat ve thung ang a. Ka ti a, ṭan an tum deuh na a, ka ti tak tak a nih tih an hrethiam ni ngei tur a ni, an ṭang ngam ta bik lo va. Thlasik boruak a rawn nam ṭan a. Boruak nawm hun lai tak a ni bawk nen. Zing ni chhuak pawh a mawi ngang mai. Aizawl pan tur Sumo chhungah chuan ka ṭhu ran a. Tarmit (Sunglass) ka vuah a.tlar hnung ber kilah chuan rilru hlim sawihleihtheih loh nen chuan, ka nu, min hmangaih em em tu leh, ka hmangaih awmna lam pan chuan ka kal dawn a ni a. Kum khat deuh thaw inhmu lo va awm tawh kan nih avangin ka phur hle a ni. Ka chuanpui tur te pawh chu an rawn chuang nak nak a. Vai panga leh mizo pali kan chuang a. vai hla hlui deuh deuh min ngaihthlakpui a. Lunglen erawh a hnem fahran lo khawp mai. Kawng tluana ngaithlak tur chuan a huphurhawm khawp mai tiin rilru in ka phun neuh neuh a. Mahse, mahni khaw lam pan tur ka ni bawk a. Ka rilru erawh a phur veng veng mai a ni. Muthluk nen infawmin kan tum ram aizawl chu kan thleng ta, ka nu chuan Zarkawtah min lo hmuk a. Taxi kan la a. Kan veng lam chu kan pan ta nghal a. Kan inhmuhna a rei tawh bawk a. Ka nun nen chuan kan inkuah a, min chhuan thu leh dam tak a, kan inhmuh leh avanga a lawm em avang chuan a biangah chuan mittui a rawn luang ngiai ngiai a. Keipawhin insum harsa ka ti khawp mai. Ka pa khan min boral san hma lo se la chuan pianpui unaute ti a, sawi tur ka nei ve ang a, ka pa ti a koh tur ka nei ve ngei awm si a tiin ka suangtuahna khawvel chu her dang lamsak ka ni a. Ka mittui rawn luang chhuak tur tih tawp tum a, ka mit ka khap sak sak chuan awmzia a nei chuang lo. Mittui parawl ṭeuh chung chuan ka nu nen chuan kan inkuah veng veng a. Ka neih chhun a ni a. A tan pawh a neih chhun ka ni a. Kan khawvel chu zim hle mah se, tudang kan ngai bik lo. Ka nu chuan chhun lamah hna ka thawk hah deuh sia, ka mutsan mai ang che aw a ti a. Awle, ka nu tui deuh khan muhil rawh aw. Keipawh lehkhabu ka la chhiar lawk ang a. Nakin deuhah ka mu ve ang ka ti a. A room lamah chuan min luhsan leh ta a. Zan dar 10:30 a ni a, "Aizawlah Aizawler" tih lehkhabu Lalhruaitluanga Chawngte ziah chu ngaihnawm ti takin ka chhiar melh melh a. Chumi lai tak chuan ka khum piah deuh a, ka cell phone charge chu a rawn in ring ralh ralh a. Tunge mawni le, tun ang zan rei tawh hnuah lehnghal ti noh noh pah chuan phone chu ka pick up a. Hello, Zonunmawia i ni em..? A aw chu hmeichhe aw a ni tlat, tunge maw ni dawn le, Tun ang hunah hian phone call ka dawng khat hle a. Hostel lamah hun ka hman tam zawk vang hian ngaihzawng ti a, han sawi tur takngial pawh tun thleng hian ka la nei lo. Aw, ni e. Tunge aw, ka van hre mai lo che ve Umm. Min hre lo maithei, mahse, kei chuan ka la hria che. Eng thil nge ni ta, Tunge i nih ka hrethei a ngem? Min hriat duh te chuan hrethei teh reng e a. In thleng tluang maw..? Umm. Thleng tluang e... A van lawmawm ve. Puipuii kha ka nia. Hmanni a. Restaurant a mi kha.. Ehheee. A ni maw. I van fel ve, engtin nge ka no i neih theih a. Mamawh te chuan neih dan a awm zel mai a lawm..Hehe.. In felin kawm in nuam ngawt mai. Nangni kha lamah in la awm rih dawn em ni? Awm rih lo ang ti ila, kar leh monday ah hian kei chu lo chhoh ka tum a. Ka chhungten Aizawl lamah dawr an siam thar ve a. Kan indaih lo em mai. Lo chho mai rawh an ti a. Chu bakah keipawhin ka duh zawk a.. A nih chu aw. A van ṭha ve. Rawn dawr ve ṭhin tur che a nih chu a. I rawn haw hunah chuan vawi khat tal te chu kan la inhmu leh ang chu ti raw..? Vawi khat chauh maw i duh a..? Haha. Ni lo ve, vawi tam tak hmuh che pawh a chakawm a lawm ka ti a. Hmm. Ka awih tawh chiah lo e. Vawikhat tal i tih zawh chiah kha aw, a rawn ti a, a hui hak hak a. Chutiang chu ka sawi tum pawh a ni hleinem, vawi tam tak hmu chak che mah i la, i duh ve si loh te chuan a nuam dawn lo a sin. Chuvangin kha ti khan ka rawn sawi ta mai a nih kha!. Ka han ti leh a, Awii ṭawngkam i intithiam vel lutuk aw, a nih chuan ka ngaidam mai ang che. Hehe. Ka rawn haw hunah chuan i lo len loh vaih chuan aw. Ka vui viau ang an ti leh hnap a. A ṭawngkam a ṭang chuan a fiamthu chiah lo hian ka hre ta tlat pek a. Keipawh chu ka zam ru ve khawp mai. Eng emaw boruak chuan mi rawn tuam deuh chiai chiai hian ka hria a. Sawifiah thiam loh leh sawifiah ngaihna awm lo hian ka chhungril a, ka thisen zungzam te chuan engtin emaw tak hian min fan delh delh a. Ka hmulthi a ding sung sung a. Ka hlauh vang a ni lo va, ka thinglung khawhar tak chuan a la tawn ngaih loh a tawn vang a nih ngei ang, mahse, chutiang lam thil engmah ka ngaihtuah thiam si lo. Ka taksa chu zang vah hian ka hria a, ka lungphu chu a phu dup dup a, chhungrilah chuan ka hlim ru veng vengah, mahse, eng thu vak mah ka la sawi der si lo. A ṭawngkam chuan ka thla a timuang a, ka nun a tihahdam a ni tih chu ka ngaihtuah thim lo na a, engtin tin emaw chuan ka hre thei tlat thung.. Ka suangtuahna khawvelah chuan ka lo lut hman pek nge ni, keia ṭawngkam thiam lo lutuk chuan sawi tur ka van zawk pawh ka hre thiam lo. Ka ngawi deuh vang vang a..Puipuii bawk chuan Inthiam loh hmel tak chuan chuan.. Hehe, ka tihpalh aw, hmelhriat fe tawh che ang maiin ka lo ṭawng leh luam ṭhin a. I duh loh zawng ka sawi palh a nih chuan ka tihpalh lutuk aw.. U Zonunmawi..hmingpum khera in koh kha i duh bawk sia.. a rawn ti leh a, a nui hak hak a. Chu a ṭawngkam rawn hman avang chuan min tihrilhhai leh zual a.Ka sawi tur zawng zawng pawh chu a bo leh duak mai. Mahse, ngawih reng zawng thil tih chi a ni lo tiin sawi tur chu ka ngaihtuah a, Puipui chutiangin timah ta che. Ka rawn leng dawn a lawm. Min ning zawk hial mai thei a sin. Ka rawn kal ngun leh lutuk palh ang tih ka hlau sia, in control dan tur ka ngaihtuah lawk a lawm ka ti a. Kan nui dun leh ker ker a. Ka rawn haw chak tawh e. He lai hi chu ka ning tawh, chubakah ka thla a muang thei lo. Ka la awm ṭhang lo bawk sia a rawn tih zawm leh zat a. Kei chu ngaiah ka nei a, hreawm han tih vak ngaihna pawh ka hre hleinem. Kum li dawn chu ka awm ve thei tho chu a ni a, ka ti a. Hmm. Nangte chu a hiptu an ṭha a niang chu, haw pawh i haw ngai mang lo an ti a nia aw. Vawiinah pawh i ṭhian khawm ṭhin pakhat nen kan inhmu a, kan rel vak che a nia aw, a ti a a nui leh hak hak a. Mihlim thei tak zawng a ni ngei ang. E khai aw. Ngati nge min lo rel vak ni, chutiang hip tu an awm pawh ka hre lo ve. Ka zirlai kha min hiptu chu a nimai ka ti a. Dawt sawi suh aw. Ka hre vek a nia, i chanchin ka zawt ṭeuh a lawm a ti a. Tak taka, ka rawn haw hunah chuan hun i neih chuan rawn leng rawh aw. inbual a, mut mai ka duh e, a rawn tih zawm zat a. Tehreng mai, kan dam ang a, ka rawng leng ngei dawn nia tiin kan in mangṭha ta a. Sumo-ah khan ka lo muhil tam deuh nge ni, han muthilh ka tum ngial pawhin ka muhil thei ṭhak lo. Mu chung chuan thil eng eng emaw hi ka ngaituah neuh neuh a. Puipuii aw tham tiak, zang vah leh ngaihnobei zet chu bengah chuan a ri nawn tlut tlut mai. Vawikhat chuah kan la inhmu na a, Amahah chuan mipa te duhthusam chu a kim ni hian ka hre ber mai. Hmaibial lam deuh, mit meng lian lam, a sam hmawrin a naknem vel zuk hawlh pha, hmui chhah tap mai, heh sen no chek. Khabe zum lang lutuk si lo, a hmaifang in vuah dan chu sawisel bo. A awmbawr pawh pahmei chhung tlai zet tur, chhing kawh lah mai. Thau lutuk lo, 5.6ft vel tur hi a ni reuh a. Fiamthu duh ve tak leh nuih peih ve tak niin ka hria. Kan inhmuh vawikhatna aṭang khan a mizia tur awm tlangpui chu ka hre nual hman chuan ka hria. Puipuii rawn chhoh hun tur mawlh chu ka nghak hlel tawh a. Kan inhmuh huna ka ṭawng dan tur vel te, engtin nge ka inthuam ang tih te ka ngaihtuah neuh neuh a. Ka rilru chu a zang vah hian ka hre mai. Chhungrilah min mawlhtu awm ang mai hian ka hria a. Ka ngaihtuah nasat poh leh ka zam a. Mahni leh mani te ka lo lai vel ṭhin. Ka suangtuahna chu ka lo kawmtui deuh a ni ang, mut chhuak chuan mi rawn tuam chiai chiai a. Ka muthilh dawn lai vel tak chuan, ka nu phone ri chuan min tiharh leh zawk a. Sana ka en chuan dar 12 a lo ri der tawh a. Phone chu a pick up a, eng nge a sawi phei chu ka hre lo na a, rei lo te hnuah chuan a off a, a muhil zui leh nghal ni ngei tur a ni. Ka tan theih tawp a chhuah a, chhun lamah mi inah te hnathawkin a theih ang angin a inhlawh a. Ka tan engmah tihhreh a nei ngai lo. Ka dinhmun ka en a, zahthlak tihchang tam ṭhin mahse, kan duhthlan a nih bik miau loh avangin he dinhmun hi lungawi taka ka nunpui a ngai tlat si a ni.. Ka muhil thei lo chu ka inlet ka inlet mai a. Phone-ah hla play i la, muthilh tum teh ang tiin ka phone chu ka ban a. Hla play tur ka zawn kual lai chuan, number lawng aṭang chuan message a rawn thleng nawlh mai. Ka open nghal var a, a dp pawh a lang lo. P: Hi, Mu tawh mi, ka muhil thei lo va. K : Muhil lo ve. P : I van mengrei ve, ngati nge a.? K : Ka mut a chhuak vak lo va, ka hrah laklawh a. Tunge aw, ka van hre mai lo che ve. P : Hmmm. Ka tihsual a nih dawn chu. Muttui. Thil ka hre chhuak zawk, Puipuii bawk kha a nih ka ring leh si, Call log ka en nghal, a lo ni chiah, a number ka lo save theihnghilh chu niin whatsapp-ah chuan ka lut lehnghal. K : Puipui i thimrim a mi, ka fiam che nih kha... A rawn seen nghal, min replay lo, ka nghak vang vang engmah a rawn thleng zui lo. K : Puipui, ka tihpalh aw. Fiam i nuam ṭhin em a, ka lo fiamna deuh che a. Min hrethiam dawn nia. A nih muttui mai aw. P : I sual lutuk K : Nia, ka tihpalh P : Biak tur i nei ṭha deuh a ni maw. I van meng rei. K : Haha, teuh lo lutuk, tumah biak tur pawh ka hre ve lo. P : Hmm. Ka awih lo. Mipa ho hi chu heti hian intia, pali/panga vel chu biak innei ziah tho. K : Umm. Nia, a dik maithei. Kei chu a rual pawl lo chi hi ka ni ve a. Tun thleng hian ngaihzawng takngial pawh ka la nei lo, Mahse, I mipa sawi ho zingah chuan lungawi takin ka lo tel ve mai ang e. P : Hmm. Over thei sia. Tak taka, ka uang mai mai nih kha, I fel tih ka hriat vangin lawm. Zah pawh dawn lo va, ka rawn biak che. K : Ka van lawm ve. I ṭawngkam ṭha mai mai pawh ni mah se la, ka hlim veng veng mai. P : Chimawm viau ṭhin suh. Ka seh nawk mai ang che.. hehe K : Eng nge.. Star ruk deuh ten mi han biak ve duh hi chuan a nuam em a lawm. P : Taka, Bialnu chu i la nei lo tak tak a mi.? K : Min duh ve tu awm hek lo. P : Hmm. An awm ang a. I hnar zel zawk a ni lo maw. K : Chuzawng i ngaihdan ni maiteh se. P : I thinrim a mi? K : Rim lo ve. Sawi tur ka hre lo va. P : Umm. A nih, engtin nge ka koh ang che, hming puma in koh tawp hi chu ka lai deuh tlat a. Ka koh ngam lo che a. K : Ka chhungte hi chuan. Nuna te min tia, Zonun te min tia, i duh dan dan khan a nimai. P : U Zonun ka timai ang che aw.. K : Imm le, I fel hle mai. P : Hawh, kan mu tawh mai dawn mi. Ka mit a thip deuh tawh a. Pawi em.? K : Pawi lo va. Nih mu mai ang a. Tui deuh khan muhil la aw. P : Awle. Nang pawh tui deuhin i muhil dawn nia. Ka duhpa... Ka seen- a ka replay tawh lem lo. Ka lukham bulah chuan ka phone chu ka dah a. Mut chhuak chuan mi rawn zem chiai chiai a. Ṭawnmang rama leng turin ka chhing mit kawngkhawr chu ka khar ta riai riai a. Thawhṭanni chuan interview tura kohna ka dawn avangin Insurance company office ah chuan ka kal a. Ka rin aiin ka confi phian a. Chanchin lo ngaichang la. Call thei list ah hian pathum kan dah che u a. A vannei ber a nimai tiin tlang takin min hrilh a. Ka beisei lem lo na a. A nuam veng veng mai. Ka nu bulah pawh chuan ka hun hman dan vel chu ka hrilh a. Boiha Pathian thu thu a nia. Kan tana hun ruat a rawn thlen chuan pumpelh theih a ni ngai lo. A chhe lam emaw a ṭha lam pawh ni se, lungawi thiam hi kan zir zel dawn nia tiin min lo fuih mawlh mawlh bawk a. Ka nu bulah chuan, ka nu zanin chu Scooty ka hmang duh e. Vawiinah ka ṭhian te an rawn haw a. Inkawm khawm ang u an tia. Ka ti a. Fimkhur la. Chak lutukin tlan ṭhin lo la. Fimkhur a ngai a nia. Mahni kan fimkhur viau pawh hian a fimkhur lo te zar kan lo zo leh thei bawk si a. Zan thilah phei chuan fimkhur zual a ngai a nia a ti a. Puipuii thlenna Chanmary West lam pan chuan ka inkhalh chhuak ve rawih a. Kan inbe pah zel a. Vawithum vel ka bo zak zak hnu chuan kan inhmu thei hram. A ṭhian unau pahnih inluahah chuan a lo thleng. A nutei chhungten chhiat an tawh leh thut avangin kolasib lamah an kal leh thut si a. A ṭhiante inah lo awm rih mai turin an ti hi a lo ni a. Kan inhmu chu kan hlim duh hle mai. Mahse, ka zam ve hle hian ka hria. A ni pawh a lai deuh nge mawni a ṭawng bahlah nuai ve tho a. Kan in en a, kan nui dun leh tawp zel a. kawmthlang lam Balcony chu thla hian a rawn chhun eng phut mai a. Chutah chuan kan ṭhu a. Kan titi mai mai a. Fiamthu te thawhin kan nui dun hak hak reng a. A ṭhiannu Sangpuii chuan Puipui, ka mut san dawn che a nia. Naktuk zing thawhhma ka ngai sia. Khum chhak lamah Rintei(Sangpuii nau) mutna bulah i mumai dawn nia. Tunge i ṭhianpa chu a hming ni a. Ṭhian i van nei chhe lo ve tiin mi rawn melh zeuh a. Puipuii chuan Zonunmawia a nih hi, U Zonun, tiin ka koh mai ṭhin a ti a. Sangpuii chuan, Zonun, tikhan nuam tideuh khan lo inkawm u la. A khua har tawh ang, leng ve reng rawh. I duh chuan a riah theih tho a nia tiin a nui ar ar a. Naktuk zingah tih tur ka nei si a. Ka musan mai ang che u a tihzawm zat a. Aw le, tui deuh khan i muhil dawn nia ka lo ti a. Room lamah chuan min luh san a. Puipuii chuan boruak a vawt tawh e. Ber thla a nih tawh hi chuan kei chu vawt tawrh hi ka thei lo ṭhin lutuk a, ka peih lo ngawt mai thlasik a rei thei bawk sia. A ti nuah nuah a. Mi rawn ngheng tal chuan a ṭhu a. U Zonun, ka van lawm i rawn kal nal nal a. Vawiin lam eng nge i interview-na te a an a ti a. Ka hre lo le, ṭawngkam ṭha chuan min thlah phawt mai chu a nia. Pathian thu thu a ni ang chu ka ti a. A lu a bu nghak a. I tlin chuan lawm ang aw tiin a nui ar ar a. Lutuk e, kan lawm dawn nia ka lo ti a. I hawna tur a peihawm tawh lo sia. Riak ve daih la a ti a. Ka nu a mah chauhin a awm sia. Ka ngaihtuah a lawm ka ti a. Phone la. Kan inhmuh ve chhunah ka ngai ve che sia a ti a. Mutna pawh a indaih ngawt lo ang ka ti a. Mi rawn kuah chawt a. U Zonun zak thei lo min ti em. A rawn ti phawng a. Eng vang ngawt chuan maw ka ti a. A kun deuh ngai a. I mizia ka en hian nang chuan engtikah mah min hrilh ka ring si lo va, min huat phah a nih pawhin pawi tihna ka nei lo. Ihh maw U Zonun, kan inhmuh hmasak ber aṭang che khan ka star lutuk che a. I ṭhian kawm ṭhin tur awm a ka rin ho i chanchin ka zawt tawp a. I no pawh ka neih phah a. Engtik lai pawh hian ka ngaihtuahnaah i awm reng ṭhin a. Ka hmangaih che a rawn tihnap mai. Ka mur sung sungin ka hre thei. Ka lawm lutuk chu sawi tur ka hre lo. Mittui parawl kiang chung a, ka awm a. Beia min kuahtu chu nghet tak chuan ka kuah ve a. Puipuii, kei pawhin k ngaina che in, ka duh lutuk che. Mahse, ka dinhmun hi min hriatpui ni la chuan, min hlat i duh hial zawk ang. I pa in a boral san tawh che a. I nun nen chauhin awm a.I nu tan chuan a fap rangkachak i ni a. I tan pawh rangkachak tluk zet a hlu a ni tih ka hria a sin. Puipuii...ka tih lai mekin a kut chuan ka hmui chu a rawn hup a. Min hmangaih ve thu chauh ka hre duh i chanchin tam tak chu ka hre tawh a lawm a rawn ti a. A mit meng bial kalh a, min en chung chuan ka mitah tak chuan khap miah lo chuan min en kalh a. Puipuii kei pawhin ka hmangaih che. Ka duh lutuk che a lawm kan ti ve ta ṭhuai a. Ka inrin hma chuan ka hmuiah chuan mi rawn fawp thut a. Ka chhang let lem lo va. Ka tan chuan a vawikhatna a ni zel bawk sia. Puipuii chuan, ka lawm e aw. Kei pawh hian ka duh lutuk che a. Chan che ka duh lo a ni tiin ka hmuiah chuan a hmui no chhah tap, lum ther ther chuan mi rawn fawp leh chiah mai chu ka inring hman bik lo. Duhthawh zet chuan ka fawp let ve ta miah miah a. A lei chuan ka ka chhungte chu a rawn liak dawk dawk a. A va han nuam chiang tak em. Kan inthlah phal lo hi a ni ber mai. Boih, i nu chu phone la. Zanin chu riak ve mai rawh. Naktukah chuan ka Nutei te in lamah ka insawn tawh dawn sia.Dawr lamah buai a ngai ṭhin dawn sia, a ti mawlh mawlh a. A vawikhatna atan ka